En 2025 se cumplieron 25 años dende que s’empecipieron a fer los «Encuentros», caminatas ta los tres ibons más grans de la redolada –L’Acherito, Arlet y Estanés–, pa, una vez allí, compartir lo aribos que se trayeba en lo morral, la bota vino y muitos cantos con vecinos de la val d’Aspa.
Dimpués de los ibons, s’empecipié a ir ta otros puestos en verano, y en hibierno se continaban los intercambios aprendiendo a fer paté, en tiempo carnaval, con la pilota, con visitas turisticas, en lo belén montañero, con las marchas de la Sierra los dos Ríos u d’Olorón…
Amistaz fuertes se facieron que agún duran.
Con una chinta en lo camping de Oza en agosto, en do bi ha que dicir que acudieron mas franceses que vecinos d’aquí, se celebraron estos venticinco años. Una colección de 50 fotografías y un remix de los videos que Antonio Fondevilla facié en aquellos primers años nos trayeron polius recuerdos de aquellos veranos. Y cómo no, cantos y cancions, muitos y de todas menas, estieron lo colofón a una tarde (y una epoca) pa remerar.
Aquellas montañas, tan altizas son…. Pero que no nos priven d’achuntar-nos con los montañeses de l’otro coté.
